Wan asociasen blong Noumea « vision kuendu » wetem help blong « La bouquinerie » i kasem sendem 20 kilo blong buk long Sepat aeland afta wan rekwest blong wan jif blong Emae aelan.
Hemi wan gud eksample mo wan poetic wei blong talem tankyu long chief blong Emae blong welkam wan memba blong asociasen blong Noumea. Afta stap 1 manis long villej blong Resu , wan woman blong Noumea i bin askem wan wei blong talem tankyu long Komunity. Felma woman blong jif Jeffrey hu ia save gud french i no bin askem money mo posesen, hem i bin askem buk nomo from hem i wantem kipim french blong hem alaef blong « toktok wetem waet pipol hu ia stap long aelan » be olsem blong « no lusum benefit long franis skul » Asociasen ia , i bin lukaotem pipol huia travel wetem plane o wetem boat blong sendem buk long villej ia.
Afta wan manis, Felma wetem pikinini blong hem i recivim wan bigfala bokis blong buk hem i bin serem wetem ol kommuniti blong Emae. Kastom hem i wan wei blong sow respekt long tradisen mo powa blong jif. Bifo everiwan i mas karem wan nat mo frut ,be wetem condominium mo independens, sam pipol i askem samting i differen from educasen mo leanin i bekam wan pleasure be olsem wan mak blong inscripsen long wod. Wetem 150 lanwis long Vanuatu mo wan pijin ,mo hu ia save ao mas kastom stori blong oral tradisen, hem i naes luk aelan pipol hu ia tekem interest kipim kaltja blong olgeta be olsem gat wan dip luk long narafala kaltja blong mekem wan moden kaen visen .Vanuatu hem i wan speciel kantri wetem wan strong tingting long impotens blong memori , oral tradisen hem i identiti blong hem. Be kipim franis mo inglis skul afta indepens, hem i olsem wan sois blong hem. Hem ia hem i wan gud eksample blong volunti blong ni-van pipol blong rememba benefit blong Condominium nomo mo jusum aplikasen blong narafala edukasen blong mekem samting niu wea simple interest i bitim obligasen mo material desire. Tankyu tumas « Vision kuendu » mo « La bouquinerie » blong mekem simbol ia i kam tru.
Photo supplied. Caption:Jif Jeffrey wetem Felma woman blong hem