Acting Commissioner blong Police, Colonel Robson Iavro hemi mekem wan visit long namba 15 September I ko long Northern Command.
Bigfala tinktink blong visit ia hemi blong mekem promotion blong 13 subordinate officers , retirem 2 officers long Medical Grounds mo kivim aot cheques blong 5 mama we ol man blong olgeta oli ol police officer we oli lusum life taem oli stap serve.
Long Northern Command , I gat 4 provinces we ol police oli stap wok blong mekem sua se peace I stap oltaem .I gat Sanma, Penama, Malampa mo Torba .
Promotion we I tekem ples I lukim , 3 police women mo 10 police man evriwan we oli promote tugeta long Police mo VMF we oli kamaot long Sanma, Penama mo Malampa.
Ol subordinate officers ia I gat,Corporal Florence Jacob we hemi promote I ko long Sergeant , Corporal Molisa Willie I ko long Sergeant, Sergeant Walter Samuel I ko long Senior Sergeant , Private Erickson Paul I ko long Corporal we hemi wan medic officer long VMF Santo, Corporal Dickson Matt I ko long Sergeant mo olsem Officer In charge long Santo Detachment , Private Jacob Molou I ko long corporal , Sergeant Jara Simeon I ko long Warrant Officer mo olsem clerk blong VMF long Santo ,Lance Corporal James Tari I ko long Corporal , Corporal Arnold Waibak I ko long Sergeant mo olsem Officer In charge long Medic long Santo Detachment, Private Justina Teliem I ko long Corporal long Lakatoro Police Station , Corporal Terry Toas I ko long Sergeant long Lakatoro police station, Corporal Jocelyn Silona Bule I ko long sergeant we hemi Officer In charge long CID mo Intelligence long Penama Patrol mo Police Constable Mary Simeon Aga I ko long Corporal long Saratamata Police Station.
Long semark taem, Acting Commissioner hemi retirem 2 officers we hemi , Captain Ben Bani we hemi Officer in charge long Santo Detachment mo Sergeant Robert Mawa long medical grounds.
Long narafala storian, ol woman blong ol deceased police officers too oli receivim ol cheques blong ol dead benefits blong ol Husband blong olgeta we oli bin serve taem oli lusum life. Government hemi mekem wan commitment blong lukluk long area mo shortem out half blong ol dead benefits ia .
Long taem blong ceremony we I tekem ples , Acting Police Commissioner hemi encouragem ol promoted officers blong continue displayem wan standard we hemi real service delivery I ko long ol communities mo semtaem showem loyalty mo respect I ko lon gol superior blong olgeta.
Long olgeta we oli retire , Hemi talem bigfala tankiu long taem mo service we oli providem I ko long ol pipol blong Vanuatu mo askem olgeta blong contnunue blong wok wetem police long ol communities
Hemi continue blong encouragem ol wife blong ol 5 deceased police officers blong financialy managem olgeta blong generate income blong supportem ol families blong olgeta long absence blong ol husband blong ogleta
