Vanuatu Right To Information

Media Association Blong Vanuatu hemi glad tumas long wanfala Right To Information Bill wea gavman hem laek fo kamapum olsem wanfala niu loa long kantri.

Disfala Bill bae hem wan long ol Bill wea palamen blong Vanuatu bae  toktok long hem taem hem sidaon stat long naba 21 long November. 

Wanfala sinia memba blong Media Association Blong Vanuatu an President tu blong Pacific Islands Media Association, Moses Steven hem se disfala Bill bae sapotim gut tingting blong gud pasin blong gavman long saet long transparency and accountability. 

Moses hem se disfala loa bae hem givim rait long olketa nius pipol na olketa long pablik tu fo gavman hem givim aot infomesen olketa i askem, anles infomesen hem state secret. 

Hem se disfala Right To Information Bill hem kamap bihaen Media Association Blong Vanuatu an samfala moa NGO i waka tugeda wetem gavman long hem. 

Moses hem se olketa narafala media association long Pacific i shud duim sem samting wetem gavman blong olketa.