Pacific Islands Forum Fisheries Agency i askim ol pipol long peles long Papua New Guinea, Solomon Islands na ol narapela aelan kantri long Pacific long waus aut gut long ol liklik fishing boat blong sampela kantri i go stil long solwara blong ol.
Director blong Fisheries Development long FFA, Mike Batty i toktok long wanem ol i kolim ol "Blue Boats" blong sampela kantri long Asia we i save go stilim ol samting olsem sea cucumber, klam shell, lobster na fish long rif.
Mr Batty i tok em i had long FFA long painim ol dispela kaim boat long wanem ol ino gat ol satelite tracking sistim long ol olsem ol bikpela tuna boat.
So em i tok em bai gut long ol pipol long peles long ripotim ol blue baot ia long ol fishery ofisa oa polis sapos ol i lukim ol.
Mr Batty i mekim dispela toktok bihain long ol fishing authority long Vanuatu na New Caledonia ibin arestim pinis 10 pela fishing boat blong Vietnam insait long las tupela wik.