Ol pipal blong Vanuatu imas luksave na bihaenim ol gutpla rot blong iusim ol dirty wara long ol narapla samting na noken wastim nating.
Minister blong Lands na Water Resources, Ralph Regenvanu ibin mekim despla toktok blong makim World Water Day aste long Port Vila.
Vanuatu wankaen olsem ol narapla Island kantri long Pacific isave gat wari long wara long ol gutpla taem na tu long ol taem blong drought.
Hed tok blong despla United Nations World Water Day em 'waste water' oa pipia wara na Minister blong Lands na Water Resources, Ralph Regenvanu itok, ol pipal nau imas lukluk long ol gutpla wei long noken toromoi nating wara, tasol oli mas lukautim long planim ol samting long gaden.
Minista Regenvanu ibin go pas long ol bung long Port Vila blong makim despla World Water Day na emi tok wara emi bikpla samting long laif blong ol pipal.
Long saed blong ol wok blong bringim wara igo long ol communiti direkta blong Water Resources Erickson Sammy, itok dipatman blong en iwok long mekim planti wok long kamapim gut qualiti blong wara long kantri.