Vanuatu Broadcasting mo Televissen Koperesen (Cooperation) (VBTC) ibin kam anda hot faea long wik ya, taem Praem Minista we hemi minister blkong media seves, I stap poentem aot ol feilia blong hem.
Praem minister, Sariboh Charlot Salwai Tabimasmasi visitim VBTC blong risim samfalas ikwipment, olsem transmita mo decota, we Chaenis kompani i givim long VBTC blong divelopem TV igo long ol aelan blong Vanuatu.
Praem Minista Salwai I yusum ocasuion ya blong hamarem sam klia mesej long VBTC se kampani ya, Vanuatu Boradcasting mo Television Corporation, I kampani blong Gavman we I stap risivim wan grant blong 60 milion Vatu long evri yia, mo hem nao I shud provaedem informesen I go long majority blong pipol blong kantri tru long television mo radio.
Hewmi talem se nomata we VBTC I kasem help olsem long gavman, prodactibiti blong hem I smol.
Mo hemi talem se I nogud blong luk se tufala, television mo radio we I stap risivim big mane olsem long gavman be I no provaedem seves we gavman mo pipol I wantem.
Praem minister I comperem tu status blong VBTC wetem smol p[raevet komesiel redio stauion, Capital FM 107, mo talem se redio stesen ya I smol nomo mo I stat bihaen long VBTC be yet hemi save wan redio signal we I kasem everi aelan long Vanuatu.
Naoia nomo VBTC frequensi ino kasem everi ples long Vanuatu, mo praem minister I wantem luk se VBTC naoia I stat blong givim stret seves ya.
Ol niu equipmen we PM Tabimasmas igo risivim ya, I blong wan niu project blong nasonal television blong instolem wan big Wi-Fi netwok system long Efate we bambae I karem 16 chanel evriwan.
Stamba tingting bihaen long projek I blong helpem television I save karem moa revenue blong ranem ol operesen blong hem long future.
Generel Maneja blong VBTC, Fred Vurobaravu I talem se taem Television Blong Vanuatu I broadcast igo long everi aelan, hemi minim se bae ikat moa bisnis I wantem pem advetaesmen, mo hemia bae I jeneretem moa revenue ikam long kampani.
Projek blong Efate bambae I finis long end blong yia ia. Mane blong projek I kasem 500 milien vatu.
Afta long Efate, bambae ol teknisen blong Jaena I go instolem semak netwok system long Luganville, Santo, mo Tanna bifo oli lukluk long ol nara aelan blong Vanuatu, blong mekem se pipol I save kasem paoa mo signal long hem.
Long rispons blong hem, akting jealedy blong bod blong VBTC, Jennifer Kausei I talem se kampani bambae I nidim help mo sapot blong gavman long ol plan blong putum bak Corporesen ia long wan stret mo gud rod.
Taem hem I stap toktok long shot visit blong Praem Minista Salwai yestede aftenun long VBTC, Ms Kausei I talem se kampani ia VBTC I stap feisem plande jalenj mo bambae I nidim gavman blong I help.
Ms Kausei I tokabaot wan restrakja blong kampani, mane we bambae kampani I nidim blong pem yia blong olgeta we I ritae, mo samfala big kaon blong institusen ia wetem ol nara institusen olsem Nasonal Profident Fund mo UNELCO.
Ms Kausei I tokbaot tu ova-staffing or big namba blong ol wokman be prodaksen oli givimoat I smol nomo.
Long ansa, Praem Minista Salwai I talem se bambae gavman I help, be I wantem luk VBTC I stanap long tufala leg blong hem mo mekem mane blong ranem ol operesen blong hem.