Prime minista Charlot Salwai Tabimasmas i prisentem 100 000 vatu igo long presiden blong Amicale Football Club, Andrew Leung.
Taem we Mr Salwai, hemi givim mani ia long Mr Leung se hemi wishim ol pleia blong Amicale "all the best" long tonamen blong O'League we bae hemi stat long New Zealand long tumoro, Fraede 8 April.
Mr Leong i talem tankiu long PM Salwai from man ia. Presiden blong Amicale i talem se hemi stap go long New Zealand long tumorrow blong presentem mani ia long ol pleia.
Koalisen gavman we Praem Minista Salwai i lidim tede, hemi luk save impotens blong football olsem wan sport disiplin long Vanuatu.
Hemi luk save kontribusen we Amicale football team, hemi mekem long Vanuatu mo regionale level mo hemi stap inkarejem ol nara team blong developem skill blong olgeta.]
Las Tuesde naet, Grand Casino ibin hostem wan farewell kakae blong ol plea bifo oli lego kaontri blong go long Niu Ziland from O-lik tonamen.
Long taem blong kakae ya, minister blong Sports, Nato Taiwia I enkarejem Amikal Futbol Klab wetem manejmen mo ol plea blong oli ple long OFC Championship Lik Competisen wetem praed.
“Hemi impoten blong kip togeta olsem wan tim mo pple wetem praed. Yufala everiwan ikat sapot blong gavman ya so emi impoten blong yufala i stap tugeta”, minister Nato i talem long olgeta.
President blong Amicale FC, Mr Leong i talem se manaejmen ibin makem everi samting finis mo naoia istap nomo nao long koj wetem ol plea blong pefom long OFC tonamen ya.
Mr Leong i talem se manaejmen ibin recruitem ol plea ikam long ol difren ples raonwol blong oli ple blong Amical be naoia istap nao long ol plea ya.
"Bambae mifgala i mekem evei samting blong mekem ol futbol fan long vanuatu i glad long hem, " Leong i talem.
Amicale FC tim i flae igo long Niu Zilan long Wednesdei 6 April 2016, long 7am mo fes maj blong hem iostap agensem Klab blong Papua Niu Gini, Lae City Dwellers FC. Maj ya bae i kik-of long 1.30pm (Vanuatu time) long Sandei ya 10 Aprel 2016.