Vanuatu Christian Council(VCC) i kasem VT10 million long Gavman

Praem Minista, Charlot Salwai, hemi ofisioli handem ova 10 milien vatu igo long Vanuatu Christian Council of Churches long yesterday afternun.

Mr Salwai i talem se hemia i fes mani we gavman, hemi givim long VCC mo evri yia, bae hemi stap long badjet blong gavman.

Pablic Releisen Ofisa blong gavman, Hilaire Bule hemi karem toktok blong praem minister se hemia ino blong gavman, hemi kat kontrol long wok blong VCC be hemi blong helpem olgeta long wok blong olgeta.

Hemi talem se Mr Salwai I talem long taem blong handova se gavman mo jioj, tufala i sevem ol sem pipol nomo.

“Ol jioj oli kontribiut bigwan long divelopmen blong ol pipol blong Vanuatu. Ikat ol ples long Vanuatu we gavman ino stap be ol jioj istap”, praem minista I talem.

Chairman blong VCC, Pastor Alan Nafuki, vaes chairman, Bishop Jean Bosco Baremes mo secretary, Pastor Shem Temar, oli talem tankiu from gavman blong tede, hemi save luk save wok blong ol jioj.

Oli talem se hemia i fes help we VCC i kasem long gavman afta long 36 yia blong indipendens blong kantri.

Oli asurem praem minista se bae oli yusum gud mani ia blong benefitim ol jioj mo bae ikat ripot long end blong evri yia abaut ius blong mani ia.

Handova blong mane ya (VT10 million) emi fulfilim agrimen we praem minister I saenem wetem ol lida blong VCC long 29 Julae,

Long past, Gavman blong ostrelia ibin stap givhan blong fandem samfala program blong VCC.

     

Author: 
Harold Obed