Forum Fisheries Agency em i hamamas wantaim tuna indastri long Solomon Islands na arapela kantri long wanem European Union i rausim yellow card woning em ibin givim long long long saet long illegal fishing.
Director blong Fisheries Development long FFA, Mike Batty itok EU i rausim dispela yellow card woning bihain long Solomon Islands gavman i kamapim niu loa na polisi we i dil wantaim wari blong EU long sait long I-U-U oa illegal, unreported and unregulated fishing.
Mr Batty i tok tuna i bikpela indastri blong Solomon Islands we i save bringim in moa long 500 million dollar long kantri long wanwan yia.
Em i tok moa long 1,500 pipol blong Solomon Islands i wok long tuna indastri, na 80 percent long tuna export blong Solomon Islands em i go long ol European Union kantri.
Mr Batty i tok ol narapela kantri we European Union i rausim yellow card woning long ol long sait long illegal fishing em oli Papua New Guinea, Vanuatu na Fiji. Kiribati na Tuvalu tasol i stap yet long yellow card.
Photo by ABC