Meri igo pas long Women Exporters Association blong Vanuatu itok planti mama na ol yangpla meri nau istat long save gut long mekim ol samting olsem Arts na handicrafts blong kisim moni long lukautim ol iet na ol femili blong ol.
Serah Tari ibin autim despla toktok long wik igo pinis taem emi bin raon long Australia wantem wanpla laen meri blong Papua New Guinea.
Ol despla meri ibin raon long Sydney, Canberra na Melbourne we oli bin bungim na toktok wantem ol bisnis laen long traem painim maket we ol meri blong despla tupla kantri iken salim ol products olsem ol bilum na ol handicrafts.
Gavman blong Australia i sapotim despla project.
Serah Tari itokim Radio Australia olsem planti long ol memba blong Association isave stap long biktaon Port Vila, tasol igat ol narapla meri tu long ol rural eria i memba blong association