Electoral Komisen hemi makem finis 29 Jun 2016 olsem dei blong bi-eleksen blong Malo/Aore constituensi, we ibin go empty afta long ded blong late Havo Moli.
Late Havo Moli hemi ded long Santo long 23 Februeri 2016 afta long wan longfala siknes. Hemi bin ded wan manis afta oli we palamen I elektem hem ikam deputi spika blong Haos.
Afta we oli sitemap deit, Elektrol Komisen emi openem doa tu blong ol pipol I save aplae sapos oli wantem blong contestem single jea blong Malo/ Aore.
Elektoral Ofis i ripotem se deit blong stat putum ol applikesen i open long namba 26 May, 2016, mo bae hemi klos long Tasdei 2 June, long haf past 4 long aftenun.
Declarasen blong nem blong ol kwalified kandideit bae i tekem ples long Wednesdei 15 June, mo kampein bae i stat afta long ofisiel declerasen blong ol kwalified kandideit, mo kampein bae i klos long Sandei 26 June long 12 oklok long nait.
Klosing deit blong mekem proxy mo duplikeit kard hemi long Tuesdei 17 June long haf past 4 long aftenun.