Ol wok trade namel long Australia, New Zealand na ol Pacific Island kantri em oli kolim Pacific Agreement on Closer Economic Relations (PACER) Plus bai no nap helpim Vanuatu, na gavman imas tingting gut na noken joinim despla wok.
John Salong wanpla bisnisman long Vanuatu i mekim deespla toktok tede bihaenim wanpla miting em Department blong External Trade,na Office blong Chief Trade Advisor (OCTA) ibin holim long Port Vila long Trinde last wik we oli bin lukluk long Pacer-Plus.
Oli bin statim ol toktok blong kamapim despla tok oraet blong PACER Plus long 2009, tasol ikam inap nau oli no kamapim iet wanpla tok oraet.
Ol ripot itok olsem sampla kantri bai sainim despla tok oraet long mun Novemba, tasol sampla lida long rijan ino sapotim Pacer-Plus long wonem oli tok em bai halvim tasol Australia na New Zealand.
Papua New Guinea na Fiji ino laik stap long despla Pacer-Plus.