Director blong Fisheries Development long FFA, Mike Batty itok EU i rausim dispela yellow card woning bihain long Solomon Islands gavman i kamapim niu loa na polisi we i dil wantaim wari blong EU long sait long I-U-U oa illegal, unreported and unregulated fishing.
Mr Batty i tok tuna i bikpela indastri blong Solomon Islands we i save bringim in moa long 500 million dollar long kantri long wanwan yia.
Em i tok moa long 1,500 pipol blong Solomon Islands i wok long tuna indastri, na 80 percent long tuna export blong Solomon Islands em i go long ol European Union kantri.
