Father Luc Dini, community leader na chairman blong Torba Provins tourism council, long Vanuatu ibin wanpla gutpla man husat ibin halvim ol wok divelopman long kantri.
Regional Secretary blong Anglican church long Port Vila na New Caledonia, Selwyn Leodoro i mekim despla toktok bihaenim dai blong Father Luc Dini long Fraide long wik igo pinis.
Mr Leodoro itok Fr Dini ibin skul long Papua New Guinea long kamap Nurse, na bihaen emi bin skul long kamap priest blong Anglican church long Solomon Islands.
Emi tok tu olsem taem Fr Luc ibin go bek long Vanuatu emi bin go insaet long wok politik.
Long stat blong despla yia Father Dini, aninit long wok blong en olsem chairman blong Torba turisam council i bin halvim provins long iusim tasol ol fresh kaikai long ol gaden na noken iusim ol kaikai ikam long ol narapla kantri.
Photo file by reocities.com: Father Luc Dini