Ol pipol blong Vanuatu i nau no nidim visa long go wokabaut long French territory blong New Caledonia long sotpela taim.
Public Relations Officer long Office blong Prime Minista long Vanuatu, Hilaire Bule i tok gavman blong Franis i bin oraitim dispela visa-free travel long wik igo pinis.
Em i tok aninit longen, ol pipol blong Vanuatu husat igat passport, i no nidim visa long go stap long New Caledonia insait long tripela mun long wanwan taim.
Mr Bule i tok, long pastaim, em i had tru long ol Ni-Vanuatu long go long New Caledonia.
Em i tok tu olsem dispela Visa-free travel igo long New Caledonia we Franis i oraitim, em ino minim Vanuatu gavman i senisim tingting blongen long New Caledonia i kamap indipendent kantri.
Source:
ABC