Police Head Quarter lo Port Vila i kasem report long last week se ol jifs blo Lawa Village long South West Bay, Malekula oli bin holem wan meeting blo stretem problem blo toktok blo witchcraft.
Polis I kasem ripot se long taem ya i gat fulap man oli stap long miting. I gat report se pati we emi putum complain i bin sakem sam strong toktok long wan police officer we emi stap long meeting mo sendem out hem makem se i no bin gat wan gudfala security long meeting ia. Long end blo meeting i gat report se fight emi broke out mo sam man oli faetem wan long tufala suspect wetem wan narafala witness. Ripot I talem tu se wanem we I happen ya I soem se ol jifs oli no save controlem gud miting makem se ol witnes blong suspect oli no save toktok from oli fraet.
Polis I karem ripot tu se ol jifs we oli sitaon blo harem case ia oli givem oda blo hol family blo wan long tufala suspect oli livim vilij blo olgeta mo livim behind evri samting blong olgeta.
Polis I givim woning se fasen blong faetem wan man emi brekem loa mo emi wan criminal ofens folem Penal Code CAP 135 Part 2 Offence, section 108, mo police mbae emi gohed blo investigatem case ia blo makem sure se olgeta we oli involve long fight ia oli mas pass long kot.
Police emi givim woning tu long ol jifs mo evriwan se fasin blo sakem strong toktok long wan police ofisa mo sendem out hem emi brekem section 73 (a) blong Penal Code CAP 135, mo olgeta we oli makem fasin ia mbae polis emi holem olgeta accountable folem loa.
Police i talem tU se fasin we ol jif oli administerem jastis lo kot ya emi no fair long tugeta side mo emi brekem Chapter 2 - Part II, Article 5 (2) (a) blong constitution we emi talem se i must gat wan fair mo impartial court blo harem ol case.
Police emi kasem repot too se ol jif blo Lawa Village oli plan blo holem wan moa miting long wik ya be folem incident we oli no save controlem gud fes miting long last week, Police emi gat bigfala concern mo wonem ol jif blo Lawa Village se oli no save holem eni nara miting lo case blo withcraft unless i gat fulap polis ofidsa long Lakatoro blong makem sua se i gat gud security, blong i nomo gat ol kaen-kaen incident olsem i happen.
Police emi assurrem ol victim blo miting we i takem ples last week se mbae investigasen i go lo blong faenem aot olsem wanem nao oli fightem suspect, sendem out hem mo family blo hem long village, mo tu from wanem oli sackem strong toktok lo police ofisa we emi go blo stap long miting long taem ia blong givim security.
Police Head Quarter long Port Vila i stap askem ol witness we oli stap long miting blo last week blo kam fowud mo givim ful ripot blo how we ol jif oli handlem miting ia includim ol narafal rubbish actions we i takem ples long meeting blo helpem investigesen blong Police.