Ms Watson I mekem toktok afta we issiu blong riserv sit blong ol woman ikam wan hot subjek blong diskasen long Vanuatu tru long TV, lo redio, lo niuspepa mo lo sosiol media. Ol toktok ya ibin stat bakegen afta we minister blong Jastis mo Sosiel Seveses we I lukaotem tu women’s afea, Hon Ronald Warsal, i anaonsem se Kaonsel blong ol Minista I apruvum finis wan tingting blong mekem jenis long constitusen blong givim reserve sit long ol woman.
