Vanuatu Government blong praem minister Sariboh Charlot Salwai Tabimasmas ibin agri blong everi student we I kamaot long ol eria we saeklon I kilim nogud, oli no pem fes tem skul fi long yia ya 2016.
Tropical saeklon Pam blong 13 Maj 2015 ya hemi strong bitim ol nara saeklon blong 2015 insaet long saoten hemisfea mo oli talem se hemi wan long ol wos naturel disasta long histri blong Vanuatu long saet blong ol damej we I kosem. Ikat wan total blong 15–16 pipol I lusum laef blong olgeta olsem daerektli or indaerekli olsem risal blong Pam mo I givim kil long plante nara pipol. Ful;ap skul I kasem bigfala damaje taem ya, mo plante student I lusum fulap dei blong skul from ruf blong clasrum win I aotem.
Naoia nomo, skul fi long ol praemeri skul we gavman I sapotem, oli no pem skil fi finis folem polisi blong Gavman.
Be wan niu disisen blong Kaonsel blong ol minista long 18 March 2016, I apruvum se ol student we igo long ol post-secondri skul wetem terseri institusen we Gavman I sapotem, olsem evri secondri skul, wetem Vanuatu Institute blong Teknologi (VIT), Vanuatu Institud blong Tijas Edukesen (VITE), mo Univesiti blong Saot Pasifik (USP) bambae oli no pem skul fi.
Disisen ya hemi wan bigfala disisen we bae I afectem ol student insaet long ol eria we category 5 cyclone Pam I spolem sitaon blong olgeta.
Mo tu, Kaonsel disisen we oli kolem “Disisen namba 24” I talem se Gavman nao bae hemi pem ol aotstanding skul fi blong ol pikinini wetem exam fi blong ol student long 2015.
Bigfala disisen ya I minim se ol student we ino pem skul fi ya oli kamaot long evri sekenderi skul long ol eria we Saeklon Pam hemi afektem we hemi inkludim aelan blong Merelava long Torba provins, aelan blong Maewo mo Pentecost long Penama provins, aelan blong Ambrym, Paama, Saot Ist blong Malekula long Malampa provins, evri aelan long Shefa provins mo Tafea provins.
Disisen ya I kavremap tu evri post sekenderi skul pikinini long ol eria we Saeklon Pam hemi afektem
Total mane we hemi rimen iet blong Gavman hemi pem i go long ol afekted skul blong skul fi hemi kasem Vatu 250,497,406
Ofis blong praem minister I confem se Kaonsel blong ol minister ibin agri blong Gavman i pem aot standing blong ol eksaminesen fi blong ol yia 8, 10, 12, 13 mo 14 blong 2015. Total mane we hemi rimen