Ofis blong praem minista i wandem talemaut se Praem minista, Charlot Salwai Tabimasmas, I sakem aot media ripot se hemi bin invitem oposisen lida blong go tugeta long wan church seves long Resurection Day long taem blong Ista.
Public relations Ofisa blong Ofis blong Praem Minista, Hilaire Bule I mekem toktok ya blong ansa long ripot we ikamaot long Vila Times newspepa I talem praem minister Salwai Tabimasmas ibin invaetem Oposisen Lida Alatoa Ishmael Kalsakau igo long jioj seves tugeta long Sandei 28 March 2016.
Hilaire Bule I talem se nius we i kamaut long Vila Times, hemi misliding from we Praem minista, hemi neva invaetem ol memba blong opposition blong woship tugeta long Ressurection Day.
Ofis blong praem minista i talem se nius blong Vila Times, hemi misleading tu from we praem minista ino bin go long church long Cathedral long Port Vila long Resurection Day ia.
Hilaire Bule we hemi wan sinia journalist blong Vanuatu I talem se Ofis blong Praem Minista we I responsible long media hemi sapotem ol wok we ol media aotlet, oli mekem mo fridom blong expresen, be ol media ino mas iusim fridom ia blong mekemap ol storian.
Ofis blong praem minista i talem se nius blong Vila Times long yestede, hemi wan mekap stori from we wanem we istap insaed ino bin hapen mo hemi neva hapen.
Ofis blong praem minista i talem se Vila Times, hemi failed blong chekem sapos praem minista mo ol MP blong opposition, oli bin go long church tugeta long Resurection Day mo hemi fail blong karem saed storian blong ofis blong praem minista.
Issue ya ibin kam antap long semtaem we ol opposisen memba ibin stap resemap issiu blong possible motion of no-confidence, mo issiu tu se sam patna blong Gavman I stap kat plan B or tingting blong aotem Salwai olsem praem minister.
Sam reliable sos I talem se wan miting bitwin Praem minister wetem sam sinia memba blong ol political patna ibin tekem ples long Mandei be ino kat ripot long aot-kam blong miting ya kasem yestede taem ofis blong PM I mekem wan toktok ya blong talem se totkok blong miting blong Sandei ino tru evriwan.